PRAP irtenbidea enpresen behar eta ezaugarrien arabera konfigura daiteke. Beraz, tresna teknologikoen inplementazioa desberdina izan daiteke kasuan-kasuan. Hala, enpresa bakoitzak balio handiena ematen dion tresna (edo tresnak) aukeratu ahal izango du.

PRAP EUSKADIko tresna teknologikoetarako sarbidea % 100 digitala da. PRAP EUSKADI webguneko bezeroen gunetik sartzen dira enpresak. Han, enpresa bakoitzak pantaila pertsonalizatu bat izango du: batetik, kontratatutako tresna teknologikoek eskaintzen dituzten datu nagusiak bistaratu daitezke, eta, bestetik, tresna horietako bakoitzera sartu, funtzionalitate erabilgarri guztiak kudeatzeko.

Ez. PRAP EUSKADI ez da test-plataforma bat. Tresna eta irtenbide teknologikoen konbinazioan oinarritutako irtenbide bat eskaintzen duen ekimen bat da, eta langileei egiten zaizkien proba analitikoak tresnak ongi erabili ahal izateko bitarteko bat dira. Enpresa batek proba analitikoak behar baditu, PRAP EUSKADIren esparrutik kanpo egin behar ditu.

Ez da beharrezkoa PRAP EUSKADIk eskaintzen dituen zerbitzu guztiak kontsumitzea. Enpresak balio handiena ematen dion irtenbidea hautatu dezake, eta osasunaren segimendua egiteko probak beste erakunde batzuekin egin ditzake. Hala ere, segimenduko proba horien emaitzak PRAP EUSKADIko tresna teknologikoetara sartu behar dira, tresnek ongi funtziona dezaten.

Bateragarriak dira PRAP EUSKADI ekimenera lotetsi gabeko laborategiekin egindako proba analitikoak, baina CERTIDIGek eskaintzen dituen ziurtagiriak PRAP EUSKADIko laborategiek egiten dituzten probetara lotetsita daude.

Bi motatako test-zerbitzuak daude PRAParen barruan (PCRa edo serologia). Zerbitzu arruntak batez beste 36 orduko epea du, baina 72 ordukoa ere izan daiteke (esate baterako, laginak ostiral batean hartzen badira). PRAPeko zerbitzu espresak epe laburragoa du (18-24 ordu batez beste; gehienez 48 ordu), emaitzak lehenago behar diren kasuetarako.

Hain zuzen ere, datu pertsonalen babesa da PRAP EUSKADIren lehentasunetako bat. Eskaintzen diren tresna eta irtenbide guztiak ikuspuntu horretatik aztertu dira, eta seguruak direla erakusten du emaitzak. PRAPek eskaintzen dituen kontratuetan jasotzen da indarrean diren legeen eskakizunen arabera tratatzen direla datuak. Gainera, tresna bakoitzak datu-babesean duen inpaktuaren ebaluazioak (DBIE) jartzen ditu PRAP EUSKADIk bezeroen eskura, enpresak zehazki jakin dezan tresna bakoitzak zer ondorio dakartzan, eta zer neurri ezar daitezkeen datuen segurtasunaren inguruko arriskuak minimizatzeko.

Langileak bizi diren udalerriko datuak bakarrik erabiltzen ditu RAPID tresnak. Enpresak izaten ditu datu horiek, normalean, baina beharrezkoa da eguneratuta egotea. RAPID tresnak datu identifikagarri horiek erabili ahal izateko, ez da behar langilearen berariazko baimenik.

Europako DP-3T (gertutasun-miaketa deszentralizatua, pribatutasuna zaintzeko) protokoloa erabiliz diseinatu da EPIDIG, eta erabiltzaileek sortutako datuen pribatutasuna bermatzen du protokolo horrek. Tresnaren kudeatzaileek (PRL taldea) ezin dute jakin (EPIDIGeko datuekin) infektatutako pertsonaren izena, ez eta haren kontaktu estuena ere. Gainera, baditu segurtasun-neurri gehiago, asmo txarreko erabiltzaile batek edo EPIDIGekoa ez den eragile batek, nor kutsatu den jakiteko asmoz, infekzioak zer terminaletatik jakinarazi diren zehaztu nahi balu ere. EPIDIGek trafiko faltsua bidaltzen du terminaletatik, benetakoaren berdina eta ausazko maiztasunekin, inork ere ezin izan ditzan bereizi benetako positiboak eta faltsuak.

Badira EPIDIGek erabilera sozialeko RADAR COVID aplikazioaren aldean duen balioa justifikatzen duten desberdintasun esanguratsu batzuk. Jarraian laburbilduko ditugu:

Desberdintasun teknikoak:

▪ Mugikor-marka gehiagorekin funtzionatzen du (esate baterako, Huawei mugikorretan ezin da erabili RADAR COVID, eta Espainian gehien saltzen diren mugikorretan hirugarren marka da).
▪ Android eta IOS bertsio gehiagorekin funtzionatzen du.
▪ EPIDIG seguruagoa da pribatutasunari dagokionez (ez dago API Google/APIrekin lotuta; jakinarazpen faltsuak sortzen ditu asmo txarreko eragileek ezin izan dezaten jakin erabiltzaile bat infektatuta dagoela).

Desberdintasun funtzionalak:

▪ EPIDIG lan-inguruneetarako diseinatutako aplikazio bat da. Beraz, lan-arriskuen prebentzioko (LAP) sailak kudeatzen du tresna; hau da:

• LAPak badaki zenbat baimen deskargatu diren eta zenbat erabiltzailek duten aplikazioa aktibatuta (Bluetootha aktibatuta).
• LAPak kudeatzen du alarmako COVID-Codes kodeen sorrera eta bidalketa
• LAPak badaki erabiltzaile batek zenbat jakinarazpen sortzen dituen (ez daki nor diren, baina badaki erabiltzaile batek zenbat kontaktu estu eragin dituen).

▪ EPIDIGek RADAR COVIDek baino funtzio gehiago ditu:

• Abisu-modua – langileei abisua ematen die (telefonoak dardara egiten du) denbora jakin batez beste erabiltzaile batengandik 2 metro baino gutxiagora badaude. Kontaktu estuak murrizteko balio du.
• Simulazio-modua - LAPari aukera ematen dio hautatutako kolektiboan erregistratzen doazen kontaktu estuen kopurua egiaztatzeko, erabiltzaileak molestatu gabe.

EPIDIG edozein mugikorretan deskarga daiteke; beraz, telefono mugikor pertsonaletan erabil daiteke.

Ez. EPIDIGek eskuzko miaketa osatu egiten du. Prozesuari zehaztasuna gehitzen dio, baina ez du ordezkatzen. Zehaztasun horri esker, behar ez diren koarentenak saihestu daitezke.

EPIDIG teknologiak erabiltzailearen pribatutasuna eta anonimatua bermatzen ditu, eta argitalpen zientifiko ugarirekin kontrastatu daiteke. Hala ere, beti izango da teknologia horren erabileraren aurka egongo den pertsonaren bat. Gaitzespen-kasu horiek minimizatzeko, PRAP EUSKADIren esperientzian oinarrituta, komunikazio-politika egoki bat aktibatzeko gomendatzen da: erabiltzaile potentzialei aplikazioaren abantailei buruzko informazioa eman, eta aplikazioa erabiltzeko motiboak eta norbere eta lankide guztien osasuna bermatzeko guztien borondatea azaldu.

Zenbat eta langile gehiagok erabili EPIDIG, teknologia horren emaitzek balio handiagoa dute; baina pertsona batzuek erabili nahi ez izateak ez du haren erabilgarritasuna baliogabetzen.

Ez. Enpresa batean SARs CoV-2 detektatzeko monitorizazioa egitea ez da diagnostiko sanitario bat egitea inola ere, eta ez du eraginik enpresaren jardueran. Lortzen diren emaitzei esker, enpresa batek bizkor har ditzake erabakiak agerraldi posible bat sortu eta zabaltzea saihesteko.
Proba horietan emaitza positibo bat dagoenean, kontuz interpretatu behar da. Antolamenduko eta prebentzioko neurriei eragin diezaieketen erabakiak har daitezke, edo langileei proba analitikoak egitea agindu.
Horrelako tresna eta zerbitzuak erabiltzen dituzten enpresei PRAP EUSKADIk gomendatzen die jardute-prozedura propioak garatzeko, sortzen diren datuak kontuan hartuta eta PRAP kudeatzailearen laguntzarekin. Hala, erabakiak bizkor hartu ahal izango dira, eta, ondorioz, eraginkorragoak izango dira.